中學學位分配

參加資格：
●就讀於參加中學學位分配辦法的小學
●本港居民
● 從未獲派中一學位

主要階段：
●自行分配學位
● 統一派位

自行分配學的要點：
● 各參加中學學位分配辦法的中學，可預留不多於30%的中一學位，自行取錄學生

點樣計30%？
我嘅計法如下：
冇直屬or聯繫小學：(如迦密中學)有5班 * 每班40席=200席
→自行分配學位30% * 200席=60席

有直屬小學：(如喇沙書院)有7班 * 每班40席=280席
→自行分配學位30% * 280席=84席

有聯繫小學：(如香港培道中學)有6班 * 每班40席=240席
→自行分配學位30% * 240席=72席

即係 = 唔理有直屬or聯繫小學等…都可以“最多收盡”30%學生，不過唔好諗住全部中學都會有30%學位放出嚟咁筍，有啲中學跟本好少收“外人”；如培正中學，除了少量學位供中央派位之外(年年廿零個應酬下政府…)，對唔住，培正網頁顯示→《全部學位均只分配予香港培正小學小六學生》！
所以自行分配學位，除左睇質量，都要睇下數量！(天堂學校有位又如何，數量只有三兩個！)

今年自行分配學位比往年多左10%，未知影響所在...不過多d了解遊戲規則、勤力D o羅料、睇下其他人意見、唔識就問...升中...驚咩？

續二：

●申請的中學不受地區限制，但學生只可向不多於兩所在「申請中一自行分配學位手冊」內列出的中學申請。否則，其獲得自行分配學位的機會將被取消

「申請中一自行分配學位手冊」~唔好問我~唔係我印o既！小學會派俾你(約十一月尾)或屆時上載於教統局網頁！

不過《兩間》只係講《一般》中學，未計100%自行分配學位之沙田體藝中學、不派位直資…所以理論上報完兩間一般津貼中學(資助/官立/直資/按額…等等)，可以再報體藝 + 十幾間不派位直資都得！(如果可以女校男生/男校女生的話！)

體藝因為比較特殊唔可以派位(費事收左個齋讀書…唔喜歡運動、完全冇藝術細胞o既學生…)

另外亦有“派位”直資(如：陳樹渠、新法、福建…等，就同一般津貼中學一樣，有自行分配學位及統一派位！)

不派位直資中學，舊年有十八間：
中西區：聖保羅男女中學
南區：港大同學會書院
九龍城區：拔萃男書院、保良局顏保鈴書院
黃大仙區：德望學校
油尖旺區：拔萃女書院
觀塘區：基督教臻美黃乾亨小學暨初中學校、匯基書院(誤作深水埗區...多謝nganc9更正！)
西貢區：優才(楊殷有娣)書院、播道書院、港華人基督教聯會真道書院、啟思中學
沙田區：林大輝中學、香港神託會培基書院、德信中學、培僑書院、香港浸會大學附屬學校王錦輝中小學
離島區：香港青基信書院

不派位直資中學，素質兩極化；一係傳統名校、一係未經證實新校，所以選擇前先了解其校風(宜親身實地觀察…)、辦學理念(上其網頁/聽講座…)、口碑(網上請教別人…)…唔好見到英中就中埋去！

全港有一百四十餘間英中(未計直資)，即係“最多最多”有140間*5班*40人*30%=8,400個自行分配學位(打個八折亦有6,720個)，今年特別之處係可以報兩間(中學唔知你將佢當係首選定係次選)，因為表格要喺1號窗or2號窗填優先次序，只有你同教統局先知，假如兩間都收，當然大婆先行！



如果報三間(包括體藝)，有幸三間都收，一定派體藝！(體藝有收生優先權！)
如果報左津貼+體藝+ n間不派位直資，一旦任何一間不派位直資收你(通常係大抽獎前通知，以免夜長夢多！)有辣當然有唔辣，一旦通知就要簽署放棄派位；唔簽又點？ =七十年代青山名曲：《回頭我也不要你》…買保險只能向保險公司購買，所以報名前要三思，辛苦考到又唔讀、仔女心裡唔舒服！

所以如果鍾情英中而成績又可以，不防大膽一試…報哂兩間！江湖傳聞傳統英中只收級內Top5學生(一般小學計，下同…)，咁今年Top10應該都會收(所以Top 20亦可一試…)；至於一般英中，假如今年升中有75,000小六生計，6,720/75,000=8.9%，如果喺級內前列15%學生都應該有機會(因為收生仲要睇埋其他野：面試、操行、教署排名、課外活動、推薦…等)；當然手執代表性紀錄或特殊技能者，就算band2生亦有名校英中招手！

教統局規定中學接受申請日期：2006年12月28日至2007年1月29日
(不派位直資中學由於要全部自行收生，所以可提早(並分批)招生…學校網頁/電話查得到！小心唔係間間招生截止日期都係1月29日…查清楚~唔好預咁忟！)

******十一月五日更正：按去年教署提供資料顯示：升中生有81,922位，而各區合共提供之英中名額是16,054(未計不派位直資，估計合共約一萬九千餘個)******

●中學必須公布收生準則及比重，及按所定準則取錄學生

好多家長以為所有中學只睇成績收生…只對一半！查實不同中學對收生之要求完全不同！，有重成績、有重面試、有重全能…！搵間合適仔女“所長”嘅中學 = 事半功倍；反之只睇“邊間中學最好”做人，唔睇自己嘅特長而“投其所好”…兩者之間好難擦出火花！
邊度搵收生準則及比重？教統局規定所有中學都要列出該校之收生準則及比重！

中學概覽內亦有簡單列明→here想詳細準確，當然上學校網頁 / 開放日 / 打個電話問清楚就最好！)

中學概覽內之自行分配中一學位準則與比重樣本：

(如果貴子女唔係天主教教徒，母、姊又唔係校友，就白白失去10分；除非你認為係餘下項目可以攞到好高分！)


(比較適合活潑好動嘅學生…因為操行攞個C+都唔驚→唔計分、當然太差就冇人敢收啦！)


(比較適合唔多活躍嘅書蟲：因為成績比重達60%之高而課外活動只佔5%之低…)


(一句講哂：成績為重！)

以上四間收生標準係唔係分別好大？所謂知己知彼，百戰百勝；想同仔女搵一間“一擊即中”學校，化點功夫係值得嘅！

成績：等如小五最後一次 + 小六第一次考試成績 (因為自行收生之時，小六第二次試應該未考，所以第二次試之成績只作統一派位時連同上述兩次成績作組別區分之用！)

教統局成績次遞 / 教署排名：都係同一樣野，就係小朋友在《區內》之名次！

計算方法 = 2000年就讀小學之學能測驗成績佔《50% 》+ 2006年就讀小學學科測驗試(俗稱分班試)成績佔《50%》，作為對一間小學在區內高低之用，稱為調整機制，(假如得出一個數字為0.95…)，咁樣就將貴公子/千金之兩次呈分試相加平均後再乘以0.95，得出分數(例如平均為90.25分)！咁樣就將90.25分擺落區內分出高低，中學從教署資料就會睇到小朋友在區內之排名(例如400/4500，當然屬於Top 10%內..如此類推！)，從而決定取錄學生與否！因為中學收生唔准考筆試、中學又唔知這一間與那一間小學之實際成績差距…所以唯有用此下下策方法！


*出年開始就一律以學科測驗試(分班試)成績作為唯一“調整機制”之指標！